كلمات أغنية شعبان عبد الرحيم الملقب ب( شعبولا) الجديدة 'يا عم عربي 2' بعد تولي باراك أوباما الرئاسة و اصبح أول رئيس أسود لامريكا


طرح المغني الشعبي المصري شعبان عبد الرحيم الشهير بـ'شعبولا ' كليبا جديدا بمناسبة تولي أوباما رئاسة الولايات المتحدة الأمريكية.

في الأغنية الجديدة التي اختار لها عنوان 'يا عم عربي 2' تمييزا لها عن أغنيته السابقة 'يا عم عربي' يقارن بين بوش واوباما منتقدا تهنئة الزعماء العرب للرئيس الأمريكي الديمقراطي المنتخب، متعجبا من فرحة العرب بفوزه.

أنا شايف الإبتسامة والفرحة ع الوشوش
اياك بارك اوباما ما يكونش زي بوش

مين يعرف ولا يعلم في ايه جوه النفوس
بلاش من بدري نحلم لا يكون الحلم كابوس

خلينا زي ما احنا ما الهم خدنا عليه
راح بوش وجه اوباما ايه يعني هيحصل ايه

لسه فلسطين محتله والحرب في العراق
والناس عايشه في مذله وعداء يجيب عداء

مهما هيعمل اوباما ويلف شمال ويمين
لا يرجع الحريري ولا حتى الشيخ ياسين

عرفات مش جاي تاني اللي عاش ايام سواد
ومات والكل عارف بحركات من الموساد

يا عربي الف سلامة يا عربي يا عيني عليك
قاعد مستني اوباما علشان ياخد بأيديك

ولا بوش ولا اوباما هيفكروا ابدا فيك
يا عربي مفيش غير ايدك هي اللي راح تحميك

بوش يخرب بيت سنينة باعنا وضيعنا سنين
وأوباما الناس فاكرينه هيكون صلاح الدين

ما هو بوش ابن المجنونة شعللها في كل مكان
افغان وعراق وغزة واخرها سورية كمان

هيعمل ايه اوباما في مصايب بوش وابوه
ما سابوش مكان في العالم الا ما خربوه

مجاعات وأزمة ماليه وخرب ودمار وحروب
اهو غار ابن المؤزية وسايبهالنا ع الطوب..

وهييييي

مواضيع ذات صلة



1 التعاليق:

  zain

23 يناير، 2009 1:18 م

ههههههههه

حلوة والله جدا

استمر